Nú stendur yfir endurskoðun á menntastefnu Snæfellsbæjar

Fræðslunefnd Snæfellsbæjar ákvað haustið 2025 að hefja vinnu við endurskoðun menntastefnu Snæfellsbæjar, en núgildandi stefna er frá 2010 og þarfnast endurskoðunar. Bæjarstjórn staðfesti á fundi sínum þann 17. nóvember 2025 að veita fræðslunefnd umboð til að endurskoða stefnuna.

Skipaður hefur verið stýrihópur um verkefnið og verkefnastjóri er frá Ásgarði skólaráðgjöf. Stýrihópurinn ber ábyrgð á vinnu við endurskoðun menntastefnu sveitarfélagsins með það að markmiði að ná breiðari samstöðu um stefnumótunina og skýra framtíðarsýn í mennta- og uppeldismálum sveitarfélagsins.

Stýrihópinn skipa fulltrúar úr fræðslunefnd Snæfellsbæjar og skólastofnunum.

Helstu verkefni stýrihóps:

• Greining á stöðu menntamála í sveitarfélaginu, meðal annars með rýni á fyrirliggjandi gögnum, fyrirlögn kennara og á íbúafundi.

• Mótun stefnu (gildi, framtíðarsýn og meginmarkmið).

• Rammi um aðgerðir til innleiðingar með mælikvörðum fyrir eftirfylgni.

• Samráð við foreldra, nemendur, starfsfólk og íbúa.

  
  

Áætlað er að vinnu stýrihóps ljúki í lok maí og stefnun verði tilbúin til innleiðingar í upphafi skólaárs 2026-2027.

Frekari upplýsingar um verkefnið veitir Gunnþór Eyfjörð Gunnþórsson, ráðgjafi hjá Ásgarði skólaráðgjöf, í netfanginu gunnthor@ais.is.

Með von um gott samstarf og góða þátttöku,

Stýrihópur um endurskoðun menntastefnu Snæfellsbæjar