Dagur íslenskrar náttúru


Dagur íslenskrar náttúru er haldinn hátíðlegur 16. september ár hvert en þar sem spáði betra veðri degi fyrr, þá plöntuðu nemendur í 6. og 9. bekk í skógræktarsvæði skólans í Mjóadal í Ólafsvík, þriðjudaginn 15. september. Plantað var 670 birkiplöntum efst í dalnum. Nemendur stóðu sig frábærlega, gengu rösklega til verks og vönduðu sig við gróðursetninguna.

Forverar skólans tóku þátt í Yrkjuverkefninu frá upphafi en sjóðurinn byrjaði að kosta plöntur til skólabarna árið1992. Hér að neðan eru upplýsingar um gróðursetningar Yrkjuplantna á vegum Grunnskóla Snæfellsbæjar og forvera hans.

Gróðursetningarár:

Hellissandur 1993-2002

Lýsuhólsskóli 1992, 1993, 1997 og 1998.

Ólafsvík 1993, 1994, 1997, 1999-2002

Sameiginleg ár eru því 1992-2002 og svo aftur frá árinu 2008 til dagsins í dag.

Heildafjöldi plantna yfir tímabilið, með árinu í ár, er þá 16.420 plöntur.

Yrkja – sjóður æskunnar til ræktunar landsins, er sjóður sem úthlutar trjáplöntum til grunnskólabarna. Sjóðurinn hefur eigin stjórn, en Skógræktarfélag Íslands hefur umsjón með honum.

Árið 1990 var gefin út bókin Yrkja í tilefni 60 ára afmælis Vigdísar Finnbogadóttur sem þá var forseti Íslands. Hagnaður af sölu bókarinnar, ásamt öðrum framlögum, var settur í sjóð sem stofnaður var árið 1992. „Markmið sjóðsins er að kosta trjáplöntun íslenskra skólabarna á grunnskólastigi á ári hverju“, stendur í skipulagsskrá hans. Með þessu er honum ætlað að kynna mikilvægi skógræktar og ræktunar almennt fyrir unga fólkinu í landinu og ala þannig upp ræktendur framtíðarinnar.

Vaxtatekjurnar eru notaðar til að kaupa trjáplöntur fyrir grunnskólana sem nemendur síðan gróðursetja. Auglýst er eftir umsóknum í sjóðinn snemma á hverju ári. Allir grunnskólar landsins geta sótt um tré í sjóðinn, til gróðursetningar bæði að vori til og á haustin.

(Tekið af heimasíðu verkefnisins - https://yrkja.is/)

​Nýjar fréttir
Eldri fréttir

Grunnskóli Snæfellsbæjar

Ennisbraut 11 | 355 Snæfellsbæ

Sími: 4339900 

gsnb(hja)gsnb.is

Opnunartímar:

Hellissandur kl. 8:00 - 16:00

Ólafsvík kl. 8:00 - 16:00