Skapandi skrif

Nú á haustdögum fengum við Bergrúnu Írisi Sævarsdóttur, rithöfund og teiknara, í heimsókn. Hún var með námskeið um skapandi skrif fyrir nemendur í 3. – 7. bekk. Markmið námskeiðsins var að auka áhuga barna á lestri bóka og ritun. Hún fékk góð viðbrögð frá nemendum og skildi hún eftir hugleiðingar um mikilvægi lesturs fyrir nemendur sem sendar voru til foreldra á þrem tungumálum, þ.e. íslensku, pólsku og ensku.

Menntamálastofnun og Samtök íslenskra barna- og unglingabókahöfunda (SÍUNG) buðu upp á námskeiðið fyrir valda skóla á Vesturlandi.