top of page

Námskeið um tölvu- og skjánotkun barna


Til stendur að bjóða upp á námskeið um tölvu- og skjánotkun barna, ef næg þátttaka fæst.

Þeir sem hyggjast mæta/taka þátt vinsamlega skrái sig hér, fyrir föstudaginn 20.09.

https://docs.google.com/forms/d/e/1FAIpQLSemfFdDe18L6h6hEaGEQNVGwuCj1MMHp83Tvt69GE6ZeP46YQ/viewform?usp=pp_url

Námskeiðið yrði þriðjudaginn 2. október frá kl 17:00 – 19:00.

Það verður foreldrum að kostnaðarlausu hér í Snæfellsbæ.

Kennarar námskeiðisins eru: Guðrún Katrín Jóhannesdóttir, félagsfræðingur og ráðgjafi hjá Mikils virði, og Lovísa María Emilsdóttir, félagsráðgjafi, MA og ráðgjafi hjá Mikils virði.

Námskeiðið er sniðið að foreldrum og öðrum sem koma að málefnum ungmenna og vilja fræðast um einkenni óheilbrigðrar tölvu- og skjánotkunar þeirra og læra aðferðir til að sporna gegn henni. Spurningarnar sem við byrjum með eru eftirfarandi:

  • Ert þú við stjórn á þínu heimili, eða vilt þú fá betri yfirsýn þegar kemur að skjá- eða tölvunotkun barnsins þíns?

  • Vilt þú vita hvað eru heilbrigð viðmið og fá verkfæri til að stuðla að hóflegri skjá- og tölvunotkun barnsins þíns?

  • Vilt þú læra leiðir til að takast á við vanda tengdan skjá- og tölvunotkun barnsins þíns?

Ef þessar spurningar vekja athygli þína þá er þetta námskeið mjög líklega eitthvað fyrir þig.

Rannsóknir benda til þess að óhófleg skjánotkun barna og unglinga geti haft alvarlegar afleiðingar eins og þessar:

  • Barnið eyðir stórum hluta af frítíma sínum við skjá.

  • Barnið kýs tölvuleiki fram yfir samverustundir með fjölskyldu og vinum.

  • Barnið segir ósatt um þann tíma sem það hefur verið í tölvunni og laumast til að fara í hana.

  • Minnkaður áhugi hjá barninu á öðrum tómstundum og íþróttum.

  • Barnið á erfitt með að fara eftir reglum heimilisins um tölvutíma.

  • Barnið getur orðið dapurt og pirrað þegar það er ekki í tölvunni.

  • Svefntruflanir

​Nýjar fréttir
Eldri fréttir
bottom of page