Árshátíð 5.-7. bekkjar

Árshátíð miðstigs var haldin í félagsheimilinu Klifi fimmtudaginn 22. mars. Nemendur sýndu söngleikinn MAMMA MIA og var leikið, sungið og dansað. Sviðsmenn úr hverjum bekk hönnuðu sviðsmyndina sem þótti litrík og í takt við efni söngleiksins. Atriðin tókust vel og voru nemendur að vonum glaðir enda búnir að leggja á sig mikla vinnu. Að lokinni sýningu tók við ball sem var á vegum nemendaráðs og mátti sjá að allir skemmtu sér vel.