Bland í poka á miðstigi

StartFragmentGrunnskólarnir á Snæfellsnesi taka þátt í þróunarverkefni í samstarfi við Ingvar Sigurgeirsson, prófessor við Kennaradeild Háskóla Íslands sem ber nafnið “Göngum í takt”. Þróunarverkefnið sem er samstarfsverkefni allra grunnskólanna á Snæfellsnesi gengur út á að innleiða teymiskennslu með markvissum hætti. Í Grunnskóla Snæfellsbæjar ákváðu umsjónarkennarar á miðstigi ásamt Hugrúnu verkefnastjóra að blanda öllum nemendum í 5 hópa og kallast þetta samstarf “Bland í poka”. Kennararnir leggja fyrir margvísleg og skemmtileg verkefni sem nemendur leysa í blönduðum hópum. Lagt er upp með að reyna á ímyndunarafl og sköpun hjá nemendum. Eitt verkefnanna var að gera skólamerki GSNB úr gostöppum. Gostapparnir eru í sama lit og skólamerkið, hvítir, bláir og ljósbláir. Allir nemendur á miðstigi komu að gerð skólamerkisins og það var virkilega gaman að fylgjast með hvernig það þróaðist. Á meðfylgjandi mynd má sjá hvernig skólamerkið lítur út í dag. EndFragment