Skólinn veitir ýmsa þjónustu sem þarf að sækja um sérstaklega, má þar helst nefna:

· lengda viðveru í Skólabæ, á Hellissandi,

· mataráskrift,

· leikskólaselið í Lýssk.

Umsóknareyðublöð er hægt að nálgast hér á síðunni undir eyðublöð.

Nokkrar mannabreytingar hafa átt sér stað frá síðasta skólaári. Fjórir starfsmenn hættu hjá okkur í vor, þetta voru þau Karitas Hrafns Elvarsdóttir bókasafnsvörður í Ólafsvík, Brynja Mjöll íþróttakennari (hún var í leyfi), Dagmar Atladóttir myndmenntakennari og Þiðrik Viðarsson íþróttakennari. Í sumar óskuðu svo Valgerður Ægisdóttir og Sigrún Baldursdóttir eftir leyfi frá störfum. Við erum búin að ráða í þeirra stað Fadel Abd El Mogheth Fadel íþróttakennara, Katrínu Elísdóttur verkefnastjóra stoðþjónustu, Maríönnu Sigurbjarg...

Undanfarin ár hafa nemendur getað fengið morgunverð gegn vægu gjaldi. Starfsmenn skólans hafa annast þessa þjónustu. Mjög hefur dregið úr þátttöku í þessari þjónustu og margir sem voru í áskriftinni nýttu sér hana illa. Á haustönn munum við hætta að veita þessa þjónustu og munum endurskoða ákvörðunina um áramót. Ávextir verða í boði eftir sem áður. Allar athugasemdir eru vel þegnar og skal þeim komið til skólastjóra.

Sú breyting verður í haust að skólinn mun leggja nemendum til gjaldfrjáls námsgögn. Nemendur þurfa eftir sem áður að mæta með skólatöskur, pennaveski, íþrótta- og sundföt. Við leggjum á það áherslu að nemendur fari vel með námsgögnin og hvetjum við þá til að nýta áfram það sem til er heima.