Í haust hafa nemendur í 3. og 4. bekk verið að vinna samfélagsfræðiverkefni í hringekju.Verkefnið sem þau tóku fyrir var lífið á Íslandi áður fyrr. Verkefnin voru margvísleg og unnin á sjö stöðvum. Þau voru í leiklistaræfingum og bjuggu til stuttan Víkingaleikþátt. Horfðu á myndband um þjóðveldisbæinn. Bjuggu til gamlan pappír og skrifuðu með fjöðrum. Lærðu gamla leiki, fjallað var um leggi og skeljar og gömlu mánuðina í tengslum við það. Á smíðastöðinni unnu þau sameiginlega hluti sem notaðir voru áður fyrr og verða í eigu skólans. Nemendur bjuggu til torfbæi, dýr og myndir af því hvernig þau sjá umhverfið á Íslandi áður fyrr. Í þessa vinnu endurnýttu þau umbúðir utan af morgunkorni og fleiri matvælum í anda Grænfánaverkefnis okkar.
