Grunnskóli Snæfellsbæjar

Lokahátíðin á Snæfellsnesi fór fram í Grundarfjarðarkirkju í gærkvöldi. 9 fulltrúar frá grunnskólunum á norðanverðu Snæfellsnesi lásu til úrslita, 3 frá hverjum skóla. Allir keppendur fengu ljóðabók eftir Þorstein frá Hamri að gjöf. Sparisjóður Ólafsvíkur gaf peningaverðlaun fyrir þrjú efstu sætin, Mjólkursamsalan í Búðardal og Brauðgerð Ólafsvíkur gáfu veitingar. Nemendur stóðu sig allir mjög vel og var ekki auðvelt fyrir dómarana að velja þrjá úr þessum frambærilega hópi.

Úrslitin urðu þau að Silja Katrín Davíðsdóttir, Stykkishólmi varð í fyrsta sæti, Marteinn Gíslason, Snæfellsbæ í öðru sæti og Brimrún Birta Friðþjófsdóttir, Snæfellsbæ í þriðja sæti.

Undankeppni Stóru upplestrarkeppninnar var haldin mánudagskvöldið 1. mars síðastliðinn. Nemendur úr 7. bekkjunum ÁGS og GJS lásu texta upp úr bókinn „Sossa“ eftir Magneu frá Kleifum og valin ljóð. Foreldrar buðu svo upp á glæsilegar veitingar á meðan dómnefnin valdi þrjá nemendur og tvo til vara til að taka þátt í lokakeppninni þann 10. mars sem haldin verður í Grundarfjarðarkirkju.